.gif)
स्वस्तिक लघुवित्त वित्तीय संस्थाले निःशूल्क स्वास्थ्य शिविर सञ्चालन गरेको छ । शनिवार नवराजपुर – २, मझौरा को वडा कार्यालयमा कम्पनीको आर्थिक सहयोगमा लहान सिटी जेसीजले एक दिने निःशूल्क स्वास्थ्य शिविर सञ्चालन गरेको हो ।
विहान ९ बजेबाट सञ्चालन भएको शिविर अपरान्ह ४ बजे समाप्त गरिएको थियो । ४२१ जना व्यक्तिहरुले प्रत्यक्ष रुपमा उक्त शिविरबाट लाभ लिएको संस्थाका संचालन तथा मानव संसाधन विभागीय प्रमूख सन्तोष कुमार साहले जानकारी दिए ।
कम्पनीका अनुसार बरिष्ठ फिजिसियन डा. रितेश कुमार गिरी, बरिष्ठ स्त्रीरोग विशेषज्ञ डा. गिता यादव, ल्याबका संचालक बिजय कुमार यादव, डा. खुश्बु साह, डेन्टल सर्जन डा. सुशान्त कुमार स्वतन्त्र र डा. विनिता गुप्ता सहितको डाक्टर तथा स्वास्थ्य कर्मीहरुको टोलिबाट उक्त शिविरमा सेवा प्रदान गरिएको थियो । साथै स्वस्तिक लघुवित्त वित्तीय संस्था लि. को विभागीय प्रमुख सन्तोष कुमार साह, वित्तविभागीय सहायक रमेश लाल कर्ण, भोटीयाटोल शाखाको शाखा प्रमुख स्वतन्त्र कुमार सिंह, त्यस शाखाको फिल्ड कर्मचारी प्रमोद यादव र कल्पना चौधरीको समेत सहभागिता रहेको कम्पनीले जनाएको छ।
उक्त कार्यक्रममा स्थानिय जनप्रतिनिधि नवराजपुर वडा नं. २ को वडा अध्यक्ष सुरेश कुमार यादव प्रमुख अतिथिको रुपमा रहेका थिए । शिविरमा लहान सिटी जेसीजका अध्यक्ष जेसी उमेश कुमार यादव लगायत सहभागी थिए । समापन समारोहमा मन्तव्य राख्दै कार्यक्रमको संयोजक रुपेश पासमानले यस किसिमका स्वास्थ्यसँग सम्बन्धीत शिविर तथा कार्यक्रमहरु लहान सिटी जेसीज द्वारा भविष्यमा अझै पनि गराउने प्रतिबद्धता व्यक्त गरेका छन्।
.gif)
