मन्जुश्री फाइनान्स लिमिटेडले चालु आर्थिक बर्षको तेस्रो त्रैमासमा उल्लेख्य प्रगति गरेको वित्तीय विवरण सार्वजनिक गरेको छ। मन्जुश्रीले गत आर्थिक बर्षको यस अवधिसँगको तुलनामा खुद मुनाफा करिब ४९ प्रतिशतले बढाएर ५ करोड ९८ लाख पुर्याएको छ।
गत बर्ष यस अवधिमा फाइनान्सले ३ करोड ६५ लाख खुद मुनाफा आर्जन गरेको थियो। त्यस्तै फाइनान्सले चालु आर्थिक बर्षको दोस्रो त्रैमासमा ४ करोड १४ लाख खुद मुनाफा आर्जन गरेको थियो।
काठमाण्डौको बानेश्वरमा केन्द्रीय कार्यालय रहेको मन्जुश्री फाइनान्सले बिरगंज, बुटवल, धरान लगायतका देशभरका १० शाखा मार्फत आफ्नो सेवा बिस्तार गर्दा फाइनान्सले निक्षेप संकलन र कर्जा लगानी प्रवाहमा क्रमश ७२ र ५० प्रतिशतले वृद्धि गरेको छ।
यस अवधिमा मन्जुश्रीले ५ अर्ब ६१ करोड निक्षेप संकलन गरि ४ अर्ब ९७ करोड कर्जा प्रवाह गरेको छ। गत बर्ष यस अवधिमा फाइनान्सले ३ अर्ब २५ करोड निक्षेप संकलन गरि ३ अर्ब ३१ करोड कर्जा प्रवाह गरेको थियो।
ब्याज आम्दानिमा उल्लेख्य प्रगति हासिल गरेपनि ब्याज खर्च बढेकाले फाइनान्सलाई खुद ब्याज आम्दानिमा २९ प्रतिशतको बढोत्तरी मिलेको छ। गत आर्थिक बर्षको यस अवधिमा ८ करोड ९९ लाख खुद ब्याज आम्दानि गरेकोमा यस अवधिमा फाइनान्सले ११ करोड ६१ लाख खुद ब्याज आम्दानि गरेको छ।
यस अवधिमा फाइनान्सको चुक्ता पुंजी ७२ करोड ४३ लाख छ भने जगेडा कोषमा १५ करोड २४ लाख छ। त्यस्तै फाइनान्सको खराब कर्जा अनुपात २.७१ प्रतिशतबाट २.१३ प्रतिशतमा झरेको छ।
मन्जुश्री फाइनान्सको हकप्रद भर्न छुट्नु त भएन, अनलाइन बाहेक कहाँ बाट दिने आवेदन ?
खराब कर्जा अनुपात घटाएको फाइनान्सले कर्जा जोखिम बापतको रकम अघिल्लो त्रैमासको तुलनामामा बढाउनु पर्दा खुद मुनाफा प्रभावित बनेको देखिन्छ। कर्जा प्रवाह र ब्यापार विस्तार गर्दै कारोबार बढाउदै लगेको फाइनान्सले आगामी बर्षमा राम्रै प्रतिफल दिने अनुमान गर्न सकिन्छ।
यस अवधिमा मन्न्जुश्रीको प्रति शेयर आम्दानि १० रुपैयाँ ६ पैसा, प्रति शेयर नेटवर्थ १२१ रुपैयाँ ४ पैसा र मुल्य आम्दानीको अनुपात १२ दशमलब ८२ गुणा रहेको छ। हाल बिक्रिमा रहेको हकप्रदलाई समेत समायोजन गरि प्रति शेयर आम्दानि देखाएको छ।
मन्जुश्रीले चैत ८ देखि बैशाख १२ सम्मका लागि ५ प्रतिशतका दरले ३३ करोड ६२ लाख १९ हजार रुपैयाँ बराबरको ३ लाख ६२ हजार १९० कित्ता हकप्रद बिक्रि गरिरहेको छ। हकप्रद बिक्रि तथा गत आर्थिक बर्षको मुनाफाबाट प्रस्ताव गरेको ६ प्रतिशत् बोनस बितरण पश्चात मन्जुश्रीको चुक्ता पुंजी ८० करोड ४० लाख पुग्नेछ।