.gif)
सेन्चुरी कमर्शियल बैंक Century Commercial Bank Limited ले साधारणसभा आह्वान गरेको छ। बैंकले पुस ३० गते शुक्रबार आर्मी अफिसर्स क्लब भद्रकालीमा सभा आह्वान गरेको हो ।
सभामा लाबहंश सहितका विविध प्रस्ताव पेश हुने छन् । बैंकले आर्थिक वर्ष ७७/७८ को मुनाफाबाट हाल कायम चुक्ता पुँजीको ५.७५ प्रतिशत बोनस शेयर र ०.३० प्रतिशत नगद गरि कुल ६.०५ प्रतिशत लाभांश बितरण गर्ने प्रस्ताव गरेको छ । बैंकको साधारण सभाले पारित गरेपछि उक्त लाभांश लगानीकर्तामा बितरण हुने छ ।
बैंकले साधारणसभा प्रयोजनको लागि पुस १९ गते बुक क्लोज गर्ने निर्णय गरेको छ । पुस १८ गतेसम्म कायम शेयरधनीले मात्र सभामा भाग लिन तथा प्रस्तावित लाभांश पाउन सक्ने छन् ।
यस्ता छन् बैंकको सभामा पेश हुने प्रस्ताव :
क. साधारण प्रस्तावहरु:
१. आ.व. २०७७/०७८ को सञ्चालक समितिको तर्फबाट अध्यक्षले पेश गर्नु हुने वार्षिक प्रतिवेदन छलफल गरी
पारित गर्ने ।
२. लेखापरीक्षकको प्रतिवेदन सहितको २०७७/०७८ आषाढ मसान्तको वित्तीय अवस्थाको विवरण तथा सोही मितिमा समाप्त आ.व. २०७७/०७८ को नाफा-नोक्सान हिसाब तथा नगद प्रवाह विवरण छलफल गरी पारित गर्ने ।
३. यस बैंकको सहायक कम्पनी सेञ्चुरी क्यापिटल मार्केट्स लिमिटेडको आ.व. २०७७/०७८ आ.व. को वित्तीय विवरणसहितको एकीकृत (Consolidated) वित्तीय विवरण स्वीकृत गर्ने ।
४. कम्पनी ऐन, २०६३ को दफा १११ अनुसार आ.व. २०७८/०७९ को लागि लेखापरीक्षण गर्न लेखापरीक्षण समितिले सिफारिस गरेबमोजिम लेखापरीक्षक नियुक्त गर्ने र निजको पारिश्रमिक निर्धारण गर्ने ।
५. यस बैंकको २०७८ आषाढ मसान्तसम्म तथा हाल कायम चुक्ता पूँजी रु. ९,०३,४४,२९,५०२.५० मा कर प्रयोजनको लागि चुक्ता पूँजीको ०.३०% ले हुन आउने रकम रु.२,७३,४१,०३६.६५ नगद लाभांस वितरण गर्ने प्रस्ताव पारित गर्ने ।
ख. विशेष प्रस्तावहरु :
(१) यस बैंकको २०७८ आषाढ मसान्तसम्म तथा हाल कायम चुक्ता पूँजी रु. ९,०३,४४,२९,५०२.५० मा ५.७५% ले हुन आउने रकम रु. ५१,९४,७९,६९६.३९ बराबरको बोनस शेयर वितरण गर्ने । बोनस शेयर जारी पश्चात् कायम हुने भिन्न अंक (Fraction) लाई भविष्यमा समायोजन गर्ने गरी यथावत् राख्ने ।
(२) सञ्चालक समितिले प्रस्ताव गरे बमोजिम हाल कायम चुक्ता पूँजीमा रु. ५१,९४,७९,६९६.३९ बराबरको बोनस शेयर जारी गरे पश्चात् बैंकको जारी पूँजी र चुक्ता पूँजी वृद्धि हुन जाने भएकोले सोही बमोजिम बैंकको प्रबन्धपत्रका सम्बन्धित दफाहरु संशोधन गर्ने ।
(३) बैंकको प्रबन्धपत्र तथा नियमावलीमा संशोधन गर्ने सम्बन्धी विशेष प्रस्ताव पारित गर्ने तथा उक्त संशोधनमा नेपाल राष्ट्र बैंक वा अन्य नियमनकारी निकायले फेरबदल गरेमा आवश्यक संशोधन तथा परिमार्जन गर्न सञ्चालक समितिलाई अख्तियारी दिन स्वीकृत गर्ने ।
(४) सेञ्चुरी कमर्सियल बैंक लिमिटेडको संस्थापक शेयरधनी समुहमा हाल रहेको ५३.४१% शेयर संरचनालाई ५१% हुने गरी शेयरधनीहरुको शेयर संरचना परिवर्तन गर्ने बैंकको संचालक समितिको मिति २०७८/०२/२४ गते बसेको ३४० औं बैंठकको निर्णयलाई अनुमोदन गर्ने ।
(५) सेञ्चुरी कमर्सियल बैंक लिमिटेड र अन्य उपयुक्त बैंक तथा वित्तीय संस्थाहरू एक आपसमा गाभ्न/गाभिन (मर्जर) वा प्राप्ति (एक्विजिसन) गर्न / हुन वा स्वदेशी/विदेशी रणनीतिक साझेदारीमा जान आवश्यक सहमति र सम्झौता लगायतका कामहरू गर्न/गराउन सक्ने सञ्चालक समितिलाई प्राप्त अख्तियारीलाई निरन्तरता दिने ।
.gif)
