.gif)
नेपाल धितोपत्र बोर्डका अध्यक्ष रमेश हमाल फागुन १० गते बुधबारदेखि विदामा बसेका छन् । उनी एक साताको लागि 'फोर्स्ड लिभ' मा बसेका हुन्।
विदामा बस्दा अध्यक्ष हमालले बोर्डको दैनिक भैपरी आउने कामकाजको जिम्मेवारी कार्यकारी निर्देशक विनयदेव आचार्यलाई दिएका छन् । यद्यपि केहि कर्मचारीहरुले भने पहिलो वरियताका कार्यकारी निर्देशक डा. नवराज अधिकारीलाई जिम्मेवारी दिनु पर्नेमा दोस्रो वरियतामा रहेका विनय देव आचार्यलाई जिम्मेवारी दिएको भन्दै असन्तुष्टी जनाएका छन् ।
बोर्डका प्रवक्ता मुक्तिनाथ श्रेष्ठले विनयदेव आचार्यले जिम्मेवारी पाएको पुष्टि गरे । प्रवक्ता श्रेष्ठले आफ्नो अनुपस्थितिमा कसलाई जिम्मेवारी दिने भन्ने विषय अध्यक्ष कै अधिकार भएको बताए । आफ्नो अनुपस्थितिमा कसलाई जिम्मेवारी दिने र के कति अधिकार प्रत्यायोजन गर्ने भन्ने विषय अध्यक्षलाई नै रहेकोले सोहि अनुसार जिम्मेवारी प्रदान भएको प्रवक्ता श्रेष्ठले बिजपाटीलाई बताए ।
नेपाल धितोपत्र बोर्ड कर्मचारी सेवा शर्त नियमावलीले कसलाई जिम्मेवारी दिने, र के कति जिम्मेवारी दिने भन्ने अधिकार अध्यक्षलाई रहेको छ । नियमावलीमा अध्यक्षले आफुलाई प्राप्त अधिकारहरूमध्ये कुनै अधिकार आफ्नो मातहतको अधिकृत कर्मचारीहरूलाई सुम्पन सक्ने व्यवस्था छ ।
यस अघि पनि हमालले आफु विदामा बस्दा विनय देव आचार्यलाई नै दैनिक कामकारवाही गर्ने जिम्मेवारी दिएका थिए ।
.gif)
