.gif)
आज फागुन १५ गते २ वटा कम्पनीको लाभांश सुरक्षित गर्ने अन्तिम दिन रहेको छ । साधारणसभा प्रयोजनको लागि फागुन १६ गते बुक क्लोज गर्ने निर्णय गरेको ग्लोबल आईएमई लघुवित्त र आदर्श लघुवित्तको लाभांश सुरक्षित गर्ने आज अन्तिम दिन रहेको हो ।
आज फागुन १५ गतेसम्म कायम शेयरधनीले मात्र यी कम्पनीको साधारणसभामा भाग लिन र प्रस्तावित लाभांश पाउँन सक्ने छन् ।
ग्लोबल आईएमई लघुवित्तले फागुन २४ गते साधारणसभा आह्वान गरेको छ । कम्पनीले १२ प्रतिशत बोनस शेयर र ८ प्रतिशत नगद लाभांश प्रस्ताव गरेको छ ।
आदर्श लघुवित्तले फागुन ३० गते सभा आह्वान गरेको छ । कम्पनीले आर्थिक वर्ष ७८/७९ को मुनाफाबाट २० प्रतिशत बोनस शेयर र १.०५ प्रतिशत नगद गरि कुल २१.०५ प्रतिशत लाभांश बितरण गर्ने प्रस्ताव गरेको छ ।
कम्पनीको साधारणसभाले पारित गरेपछि आजसम्म कायम शेयरधनीले यी कम्पनीले दिने लाभांश पाउँन सक्ने छन् ।
.gif)
