.gif)
नेपाल रिपब्लिक मिडिया लिमिटेडको शेयर लगानीकर्ताको डिम्याट खातामा आएको छ । सिडीएससीले आज बिहिबारदेखि लगानीकर्ताको डिम्याट खातामा शेयर पठाउन थालेको हो ।
खातामा शेयर आएसंगै नेप्सेमा सुचिकृत भएपछि कम्पनीको शेयर खरिद बिक्री गर्न सकिने छ । कम्पनीको NRM सिम्बलबाट करोबार हुने छ ।
कम्पनीले जेठ २६ गतेदेखि जेठ ३० गतेसम्म आम सर्वसाधारणलाई आईपिओ बिक्री खुला गरेको थियो । कम्पनीले आम सर्वसाधारणलाई ३६ लाख १९ हजार ८ सय ९१ कित्ता शेयर निष्काशन गरेको थियो । जस अनुसार गोलाप्रथाबाट ३ लाख ६१ हजार ९ सय ८९ जनाले शेयर पाएका थिए। यी मध्ये १ जनाले ११ कित्ता शेयर र बाँकि ३ लाख ६१ हजार ९ सय ८८ जनाले १० कित्ता शेयर पाएका थिए ।
नेपाल रिपब्लिक मिडियाले नागरिक राष्ट्रिय दैनिक र रिपाब्लिका पत्रिका प्रकाशन गर्दै आएको छ।
यो पनि : रिपब्लिक मिडियाको आईपिओ: घाटा सर्वसाधारणलाई, नाफा बाबुछोरीलाई
