लक्ष्मी सनराइज बैंकको सञ्चालक समिति अध्यक्षमा रमण नेपाल चयन भएका छन् । बिहीबार साधारणसभा पश्चात बसेको नव नियुक्त सञ्चालक समितिको बैठकले रमण नेपाललाई अध्यक्ष चयन गरेको हो ।
बैंकको साधारणसभाले संस्थापक सेयरधनीको तर्फबाट रमण नेपाल र मनोज कुमार भट्टराईलाई सञ्चालक चयन गरेको थियो । त्यस्तै सर्वसाधारण सेयरधनीको तर्फबाट स्वाती रुङ्गटा र दिनेश पौड्याललाई सञ्चालक समितिमा निर्वाचित गरेको थियो । साधारणसभा पश्चात बसेको नव नियुक्त सञ्चालक समितिको बैठकले रमण नेपाललाई अध्यक्ष चयन गरेको हो ।
साधारण सभाले आर्थिक वर्ष २०७९/८० सम्मको सञ्चित मुनाफाबाट सेयरधनीहरुलाई ७ प्रतिशत बोनस सेयर दिने प्रस्ताव पारित गरेको छ । त्यस्तै सञ्चालक समितिको प्रतिवेदन तथा आर्थिक वर्ष २०७९/८० को वित्तीय विवरण पनि सभाले पारित गरेको छ ।