.gif)
एनआरएन इन्फ्रास्ट्रकचर एण्ड डेभलपमेन्ट लिमिटेडले चालु आर्थिक वर्षको दोस्रो त्रैमासको अपरिस्कृत वित्तीय विवरण सार्वजनिक गरेको छ । वित्तीय विवरण अनुसार यस अवधिमा कम्पनीको खुद नाफा १८८.०३ प्रतिशतले बढेको छ ।
यस अवधिको कम्पनीको खुद नाफा १ करोड ६३ लाख पुगेको छ । अघिल्लो आर्थिक वर्षको यसै अवधिमा कम्पनीको खुद नाफा ५६ लाख ७८ हजार मात्र थियो ।
यस अवधिमा कम्पनीले विभिन्न १३ वटा कम्पनीमा शेयर लगानी गरेको छ । बजार मूल्यको आधारमा सो लगानी रकम २ अर्ब २६ करोड हुन आउँछ । हाल कम्पनीको चुक्ता पुंजी १ अर्ब २२ करोड रहेको छ ।
यस अवधिमा कम्पनीको प्रति शेयर आम्दानी २ रुपैयाँ ६७ पैसा, प्रति शेयर नेटवर्थ १२०.६७ रुपैयाँ, र पीइ रेसियो २०२.०२ गुणा रहेको छ ।
.gif)
