आज मंगलबारको प्रि ओपन सेसनमा शेयर बजार परिसूचक नेप्से दोहोरो अंकले बढेको छ। आज प्रि ओपन सेसनमा नेप्से सूचक १६.७० अंकले बढेर २०९४.७१ को बिन्दुमा पुगेको छ ।
प्रि ओपन सेसनमा १३९ कम्पनीको मूल्य बढेको छ भने ६ कम्पनीको मूल्य घटेको छ ।
यस अघि हिजो नेप्से सूचक ६ प्रतिशतले बढेपछि पुरै दिनको लागि कारोबार बन्द भएको थियो । हिजो कुल करिब ४ मिनेटको मात्र शेयर कारोबार भएको थियो । एमाले सहितको सत्ता गठबन्धन बनेपछि शेयर लगानीकर्ता उत्साहित भएका छन् ।