गुल्मीको वामी मैदानमा जीप दुर्घटना हुदा दुईको मृत्यु भएको छ ।
ग १ च ८३५७ नम्बरको जीप मुसिकोट नगरपालिका–८ वामी मैदान चौपारीबाट करीब १५० मिटर तल खसेर दुर्घटना भएको हो । दुर्घटनामा परी गाडी मालिक ३० वर्षीय ठाकुर सापकोटा तथा सोही नगरपालिका–८ निवासी ५५ वर्षीय पुतली सिङ ठकुरीको मृत्यु भएको हो ।
दुर्घटनामा मुसिकोट– ८ कै ५५ वर्षीया हरिकला कार्की र बागलुङ दगातुम्डाँडाका १४ वर्षीय कमल कार्की घाइते भएको वामी प्रहरीचौकीका प्रमुख परमेश्वर चौधरीले जानकारी दिए । घाइते दुवै जनाको अवस्था गम्भीर रहेको र उपचारका लागि वामीटक्सार पठाइएको छ । जीप वामीटक्सार जाने क्रममा चौपारी भिरबाट तल खसेको हो ।
