पदयात्रा व्यवसायीको छाता संगठन ट्रेकिङ एजेन्सीज् एसोसिएसन अफ नेपाल (टान) ले वार्षिक साधारण सभामा वितरण गर्ने पुरस्कारको छनौट गर्न पर्यटन व्यवसायी बोधराज भण्डारीको संयोजकत्वमा समिति बनाएको छ । समितिका सदस्यहरुमा डम्बर पराजुली, पूर्ण चन्द्र भुसाल, ङावा ङिमा शेर्पा र शीतल चन्द्र धरेल छन ।
यस वर्षबाट दिवंगत संस्कृति, पर्यटन तथा नागरिक उड्डयनमन्त्री रविन्द्र अधिकारीको नाममा टानले रविन्द्र अधिकारी पर्यटन पुरस्कार स्थापन गर्ने भएको छ । गत फागुन १५ गते ताप्लेजुङ हेलिकप्टर दुर्घटनामा ज्यान गुमाएका मन्त्री अधिकारीको सम्मानमा टानले पुरस्कार स्थापना गर्ने भएको हो ।
टानले आफ्नो ४१ औं बार्षिक साधारणसभा भदौ २० मा गर्दैछ ।
टानले वितरण गर्ने पुरस्कार यस प्रकार छन्ः
१) टान पत्रकारिता पुरस्कार २५/२५ हजारको २ जना
२) टान डा. हर्क गुरुङ पुरस्कार ५०,०००।–
३( टान पासाङ ल्हामु पुुरस्कार ५०,०००।–
४) टान पेम्बा डोमा पुरस्कार १५,०००।–
५० टान रविन्द्र अधिकारी पर्यटन पुरस्कार ६०,०००।–