युरोपियन फुटबलल युएफाको उत्कृष्ट खेलाडीको उपाधि लिभरपुलका डिफेन्डर भर्जिल भान डाइकले जितेका छन् । बार्सिलोनाका लिओनल मेस्सी र युभेन्टसका क्रिष्टियानो रोनाल्डोलाई पछि पार्दै उनले यूईएफए प्लेयर अफ दि सिजनको उपाधि जितेका हुन् ।
युएफाका सदस्यहरु, युरोपका प्रशिक्षकहरु र ५५ खेल पत्रकारको मतको आधारमा युएफाले डायकलाई अवार्ड दिएको हो । डायकले ३०५ अंक पाउँदा मेस्सीले २०७ र रोनाल्डोले ७४ अंक पाएका छन् । डायकले डिफेन्डर अफ दि सिजन अवार्ड पनि जितेका छन् । गत सिजन टोटनह्यामलाई २-० ले हराउँदै लिभरपुलले च्याम्पियन्स लिग जित्दा उनको उत्कृष्ट प्रदर्शन थियो ।
मेस्सीले फरवार्ड अफ द सिजनको उपाधि जिते भने रोनाल्डोले कुनै पनि उपाधि जितेनन।