कप्तान लियोनल मेस्सीको निर्णायक गोलमा बार्सिलोनाले स्पेनिस ला लिगामा रियल सोसिडाडलाई पराजित गरेको छ । शनिबार राति भएको खेलमा बार्सिलोनाले सोसिडाडलाई १–० गोल अन्तरले पराजित गरेको हो ।
बार्साको जितमा कप्तान मेसीले ८१ औं मिनेटमा पेनाल्टीमार्फत गरेको गोल नै निर्णायक बन्यो । जितसँगै बार्सिलोना रियल मड्रिडलाई २ अंकले पछि पार्दै शीर्ष स्थानमा उक्लिएको छ । बार्सिलोनाले २७ खेलबाट ५८ अंक जोडेको छ भने एक खेल कम खेलेको रियलको ५६ अंक छ ।
