कोपा अमेरिका फुटबल प्रतियोगिता २०२१ को उद्घाटन खेलमा ब्राजिल र भेनेजुएला भिड्ने भएका छन् । जुन १३ मा हुने उद्घाटन खेलमा आयोजक ब्राजिल र भेनेजुएलाबीच प्रतिस्पर्धा हुने भएको हो ।
जुन १३ मै कोलम्बिया र इक्वेइडर आमनेसामने हुँदा जुन १४ मा अर्जेन्टिना र चिली तथा पाराग्वे र बोलिभिया भिड्नेछन् ।
समूह ए मा अर्जेन्टिना, बोलिभिया, उरुग्वे, चिली र पाराग्वे छन् । समूह बी मा ब्राजिल, कोलम्बिया, भेनेजुएला, इक्वेइडर र पेरु रहेका छन् ।
यसअघि प्रतियोगिता अर्जेन्टिनाले यो प्रतियोगीता आयोजना गर्ने भनिएपनि त्यहाँ कोरोना संक्रमण बढेपछि ब्राजिलमा आयोजना हुन लागेको हो । ब्राजिल कोपा अमेरिकाको साविक विजेता सिन हो । सन् २०१९ मा घरेलु मैदानमा पेरुलाई पराजित गर्दै ब्राजिलले उपाधि जितेको थियो ।
