एभरेष्ट प्रिमियर लिगको चौथो सिजनको उपाधि चितवन टाइगर्सले जितेको छ । आज किर्तिपुर स्थित त्रिभुवन अन्तराष्ट्रिय क्रिकेट ग्राउण्डमा भएको फाइनल खेलमा पोखरा राइनोजलाई ४ विकेटले हराउदै चितवनले उपाधि जितेको हो ।
यो चितवनको पहिलो उपाधि समेत हो ।
खेलमा टस जितेर बलिङ रोजेको चितवनले पोखरालाई १११ रन मै समेटेको थियो । १७.५ ओभर मै पोखरा अल आउट भएको थियो । पोखरालाई सस्तोमा समेट्न कमल सिंह ऐरीले ४ विकेट तथा क्रिम जनत र सिकुगे प्रसन्नले २ विकेट लिएका थिए ।
पोखराले दिएको लक्ष्य चितवनले १५.५ ओभर मै भेट्टायो । चितवनको जितमा भिम सार्कीले सर्बाधिक ६३ रन बनाए भने दिलिप नाथले १८ तथा राजेंश पुलामीले १४ रन बनाए ।