.gif)
स्पेनलाई हराउँदै युईएफए नेसन्स लिगको उपाधि फ्रान्सले जितेको छ । नेपाली समयअनुसार सोमबार बिहान भएको फाइनलमा फ्रान्सले स्पेनमाथि २–१ को कमब्याक जित निकाल्दै उपाधि उचालेको हो ।
अग्रता बचाउन नसक्दा स्पेनले हार ब्यहोरेको हो ।
इटालीको सान सिरो सहरस्थित सान सिरो रंगशालामा भएको खेलमा पहिलो हाफमा दुवै टोलीबाट कुनै गोल भएन । खेलको ६४औं मिनेटमा स्पेनले अग्रता बनायो । सर्जियो बुस्केट्सको पासमा मिकेल ओयारजबाले गोल गर्दै स्पेनलाई १–० को अग्रता दिलाए ।
तर, त्यसपछि फ्रान्सले उत्कृष्ट पुनरागमन गर्दै उपाधि जित्यो । फ्रान्सको कमब्याक जितमा स्टार केलियन एमबाप्पे नायक बने । उनले १ गोल र १ असिस्ट गरे । खेलको ६६औं मिनेटमा एमबाप्पेको असिस्टमा करिम बेन्जेमाले गोल गरेर खेल १–१ बनाए ।
खेलको ८०औं मिनेटमा थियो हर्नान्डेजको पासमा एमबाप्पेले गोल गरे । त्यसपछि बाँकी समयमा दुबै टोलीबाट गोल हुन भएन । र, २–१ ले जित्दै फ्रान्स च्याम्पियन बन्यो ।
.gif)
