नेपाल र मोरिसससँग बीचको पहिलो मैत्रीपूर्ण फुटबल खेल आज शनिवार हुदै छ । आज दशरथ रंगशाला स्थित घरेलु मैदानमा बेलुका ४:४५ बजे खेल हुन लागेको हो।
नेपालले पहिलो पटक अफ्रिकी मूलक मोरिसससँग खेल्न लागेको हो । फिफा बरियतामा नेपाल १६९ स्थानमा रहेको छ भने मोरिसस १७२ औ स्थानमा रहेको छ ।
मोरिससले नेपालसँगको खेल कठिन हुने बताएको छ । खेल अघि आयोजित पत्रकार सम्मलेनमा मोरिससका मुख्य प्रशिक्षक टोनी फ्रानकोइसले लामो समयपछि अन्तराष्ट्रिय खेल खेल्न लागेको र आफुहरुले पनि ४५ दिन मात्र अभ्यास गरेकोले नेपाल सँगको खेल सहज नहुने बताएका छन् ।
नेपालका मुख्य प्रशिक्षक अब्दुल्लाह अल्मुताईरीले भने नेपाल विजयी भएमा जितको श्रेय खेलाडीलाई दिन तथा हारेको खण्डमा हारको जिम्मेवारी आफुले लिने बताएका छन् । उनले २ वटा खेलको लागि २ फरक टिमको घोषणा गरेका छन् ।
खेलमा कुल क्षमताको एक तिहाई अर्थात् करिब ५ हजार दर्शकले प्रवेश पाउने छन् । खेलको टिकट दर ५०० र १००० कायम गरिएको छ । दोस्रो खेल भने माघ १८ गते हुने छ ।