.gif)
क्रिकेट एसोसिएसन अफ नेपाल क्यानले काठमाडौँमा हुने प्रिमियर कप प्रतियोगिताको लागि प्रारम्भिक टोली सार्वजनिक गरेको छ । क्यानले आज २१ सदस्यीय प्रारम्भिक टोली घोषणा गरेको हो ।
प्रारम्भिक टोलीमा कुशल भुर्तेल, आशिफ शेख, ज्ञानेन्द्र मल्ल, रोहित पौडेल, कुशल मल्ल, आरिफ शेख, दिपेन्द्र सिंह ऐरी, गुल्शन झा, सोमपाल कामी, करण केसी, सन्दिप लामिछाने, भिम सार्की, प्रतिष जिसी , ललित राजबंशी, सन्दिप जोरा, मौसम ढकाल, कमल सिंह ऐरी, अर्जुन साउद, सूर्य तामाङ, किशोर महतो र देव खनाल रहेका छन् । यी २१ मध्ये बाट क्यानले १५ सदस्यीय अन्तिम टोलि घोषणा गर्ने छन् ।
यस प्रतियोगिताको खेल तालिका सार्वजनिक भएको छ । यदि नेपालले आफ्नै मैदानमा हुने यो प्रिमियर कपको उपाधि जितेमा नेपालले र पाकिस्तानसँग खेल्न पाउने छ । प्रिमियर कपको बिजेता एसिया कपको लागि छनौट हुने पक्का भईसकेको छ । प्रिमियर कपको बिजेता एसिया कपको समुह ए मा पर्ने पनि पक्का भईसकेको छ । एसिया कपको समुह ए मा भारत र पाकिस्तान रहेका छन् । यदि नेपालले नेपालमा हुने यो प्रिमियर कपको उपाधि जितेमा आगामी सेप्टेम्बरमा नेपालले भारत तथा पाकिस्तानसँग खेलेको हेर्न पाइने छ । एसिया कपको लागि भारत, पाकिस्तान,अफगानिस्तान, बंगलादेश र श्रीलंका छनौट भईसकेका छन् । एसिया कपको लागि अफगानिस्तान, बंगलादेश र श्रीलंका भने समुह बि मा छन् ।
को को छन् प्रिमियर कपमा ?
प्रिमियर कपमा १० टोली छन् । खेल तालिका अनुसार नेपाल, ओमान, कतार, मलेशिया, र साउदी अरेबिया समुह ए मा परेका छन् । त्यस्तै समुह बि मा युएई, हंगकंग, कुवेत, सिंगापुर र बहराइन परेका छन् ।
सबै टिमले आफ्नो समुहमा रहेका सबै टिमसँग १-१ खेल खेल्ने छन् । अर्थात् समुह चरणमा सबै टिमले ४ खेल खेल्ने छन् । ४ खेल पछि दुवै समुहको शिर्ष २ स्थानमा रहने टिम सेमिफाइनलमा प्रवेश गर्ने छन् । समुह ए को बिजेताले समुह बि को उपबिजेता सँग सेमिफाइनल खेल्ने छ भने समुह बि को बिजेताले समुह ए को उपविजेतासँग सेमिफाइनल खेल्ने छ । सेमिफाइनलका बिजेताले उपाधिको लागि फाइनल खेल खेल्ने छन् । फाइनल खेल जित्ने टिमले आगामी सेप्टेम्बरमा हुने एसिया कपमा सहभागिता जनाउने छ । प्रिमियर कपका खेलहरु टियु क्रिकेट मैदानमा र मुलपानी क्रिकेट मैदानमा हुने छ । यो एसिया कपको छनौट प्रतियोगता पनि हो ।
यस्तो छ प्रिमियर कपको खेल तालिका :
.gif)
