प्रधानमन्त्री कप त्रिदेशीय फुटबल प्रतियोगिताको उपाधि नेपालले जितेको छ । लाओसलाई २–१ ले हराउँदै नेपालले घरेलु मैदानमा उपाधि राख्न सफल भएको हो ।
खेल १–१ गोलको स्थितिमा रहेको बेला ८७ औं मिनेटमा नेपालका लागि मनिष डाँगीले गोल गरेपछि नेपालले खेल २–१ ले जितेको हो ।
यसअघि १७ औं मिनेटमा फौथाभोङ साङभिलेले गोल गर्दै लाओसलाई अग्रता दिलाएका थिए । त्यसको ७ मिनेटमै नेपालले बराबरी गोल फर्काएको थियो । एरिक विष्टले मिलाइदिएको पासमा बक्स भित्रबाट आयुश घलानको गोल गरेका थिए ।
नेपालले उपाधिसहित ५ हजार अमेरिकी डलर पुरस्कार पाएको छ । उपविजेता लाओसले २ हजार ५ सय अमेरिकी डलर पुरस्कार पाएको छ ।