नेपालले एक दिवसीय क्रिकेटमा हालसम्म कै उच्च स्कोर बनाएको छ । प्रिमियर कप अन्तर्गत आज काठमाडौँ स्थित किर्तिपुर मैदानमा ओमान विरुद्द भएको मैदानमा नेपालले ३१० रन बनाउदै हालसम्म कै उच्च स्कोर बनाएको हो । यस अघि एक दिवसीय क्रिकेटमा नेपालको उच्च स्कोर २९७ थियो ।
टस हारेर पहिले ब्याटिंग गरेको नेपालले निर्धारित ५० ओभरमा ८ विकेटको क्षतिमा ३१० रन बनाएको हो । नेपालको लागि कुशल मल्लले सर्वाधिक १०८ रन बनाए । उनले ६४ बलमा १०८ रन बनाउदै नेपालको लागि सर्वाधिक छिटो शतक बनाउने किर्तिमान समेत आफ्नो नाममा गरेका छन् । आजको खेलमा भिम शार्कीले ३३ रन, रोहित पौडेलले २३ रन, आरिफ शेखले २९ रन, दिपेन्द्र सिंह ऐरीले ७ रन, सन्दिप लामिछानेले ८ रन बनाए । त्यस्तै सोमपाल कामी ६३ रन तथा करण केसी २९ रन मा नट आउट रहे । कुशल भुर्तेल र आशिफ शेख भने शुन्य रन मै आउट भएका थिए ।