नेपाली राष्ट्रिय क्रिकेट टिमका पूर्व कप्तान ज्ञानेन्द्र मल्लले सन्यास लिएका छन् । आज पत्रकार सम्मेलन गरेर उनले सन्यासको घोषणा गरेका हुन् । उनले नेपालको लागि खेल्न थालेको १८ वर्षपछि सन्यास लिएका हुन् ।
पछिल्लो समय उनी टिममा परे पनि प्लेईङ ११ मा भने पर्ने गरेका थिएनन् । पछिल्लो समय टिममा धेरै योगदान गर्न नसकिएकोले आफु स्थान मात्र ओगटेर बस्नु उचित नहुने र नयाँलाई अवसर दिनु पर्ने भन्दै उनले सन्यास लिएको बताएका छन् । मल्लले नेपालको लागि ३७ एकदिवसीय खेल, ४५ टि २० अन्तराष्ट्रिय, ७७ लिस्ट ए खेल र ६८ टि २० खेल खेलेका छन् ।
मल्लले सन्यास लिएसंगै नयाँ अध्याय सुरु भएको बताएका छन् । उनले पनि क्यानको व्यवस्थापन आउने संकेत गरेका हुन् । दुई वर्ष अघि सन्यास लिएका पारस खड्का पनि हाल क्रिकेट संघको व्यवस्थापनमा आउने गरि तयारी गरिरहेका छन् ।