सिटी होटेल लिमिटेडले कम्पनीको आईपिओमा आवेदन दिनेहरुको लागि छुट अफर ल्याएको छ । कम्पनीले आईपिओ परे पनि नपरेपनि आईपिओमा आवेदन दिएकाहरुको लागि आफुले संचालन गरिरहेको होटेल हायात प्यालेसमा छुट अफर ल्याएको हो ।
कम्पनीका अनुसार अफर अन्तर्गत २ रातको पैसा तिरेर होटेलमा ३ रात बस्न सकिने छ । यसमा ब्रेकफास्ट कम्प्लिमेन्टरीको रुपमा समावेश हुने कम्पनीले जनाएको छ ।
त्यस्तै कम्पनीले सबै खाना र नरम पेय पदार्थहरूमा १५ प्रतिशत छुट, लाउन्ड्रि तथा ड्राई क्लिनिङ सेवाहरूमा २० प्रतिशत छुट, स्पा र सैलुन सेवाहरूमा २० प्रतिशत छुट , पूलमा डे पासमा ५० प्रतिशत छुट, र इभेन्ट स्थलमा विशेष छुट प्रदान गर्ने जनाएको छ । कम्पनीका अनुसार यो छुट अफर २०२३ सेप्टेम्बरसम्म लागु हुने छ र छुट सुविधा उपभोग गर्न कम्तिमा एक दिन अगाडी नै बुकिङ गर्नु पर्ने छ ।
सिटी होटेलले वैशाख २५ गतेदेखि वैशाख २८ गतेसम्म सर्वसाधारणका लागि आईपीओ बिक्रि खुला गरेको थियो । कम्पनीले गत वर्षको कार्तिक १५ बाट काठमाडौँमा पाँच तारे होटल ‘ह्यात प्लेस’ सञ्चालनमा ल्याएको छ । उक्त होटलमा गोल्यान ग्रुप, कमलेश अग्रवाल, हरिशचन्द्र सुवेदी लगायतका देशका प्रख्यात उद्योगीहरुको लगानी छ । १५३ ओटा कोठा रहेको उक्त पाँच तारे होटलमा लाइभ म्यूजिक सहितको रेष्टुरेन्ट, ब्यांक्वेट हल, जिम, स्विमिङ्ग पुल र ४०० जना सम्मको क्षमता भएको कन्फरेन्स हल लगायतका सुविधाहरु रहेका छन्।