आईएमइ समूहले रारा ताल क्षेत्रमा होटल निर्माण गर्ने भएको छ । नेपाल उद्योग वाणिज्य महासंघका अध्यक्षसमेत रहेका आईएमइ समूहका अध्यक्ष चन्द्र ढकालले मुगुको रारामा होटल निर्माण गर्ने भएका हुन् ।
रारा तालभन्दा केही माथि पर्ने मुर्माटपमा ८० रोपनी क्षेत्रफलमा बन्ने उक्त होटलको लागत १ अर्ब १० करोड रुपैयाँ अनुमान गरिएको छ । ढकालले गैरआवासीय नेपालीहरुसँगको सहकार्यमा होटल निर्माण गर्न लागेका हुन् ।
होटल गैरआवासीय नेपालीको लगानी रहेको अष्ट्रेलियन कम्पनी र आईएमई ग्रुपको संयुक्त लगानी हुनेछ ।
रारा नेपालको प्रमुख पर्यटकीय गन्तव्य हो ।