लगानी बोर्डले विभिन्न ५ वटा परियोजनाको लागि १ खर्ब बढीको लगानी स्वीकृत गरेको छ । आज प्रधानमन्त्री तथा लगानी बोर्डका अध्यक्ष पुष्पकमल दाहाल प्रचण्डको अध्यक्षतामा बसेको ५७ औ बोर्ड बैठकले यो लगानी स्वीकृत गरेको हो ।
बैठकले विभिन्न ४ वटा जलविद्युत तथा सोलार कम्पनीको लागि ९९ अर्ब २० करोड र हुवासिन सिमेन्टको लागि ६ अर्ब ६० करोड गरि कुल १ खर्ब ५ अर्ब ६० करोड लगानी स्वीकृत गरेको हो ।
बोर्डका अनुसार हाइड्रोतर्फ सुपर तमोर, अपर मोदी ए, र लोअर मनाङको लागि लगानी स्वीकृत भएको हो । त्यस्तै २५० मेगावाटको सोलारको लागि पनि लगानी स्वीकृत भएको छ ।