सरकारले द्वन्दरत मुलुक रसियाका लागि श्रम स्वीकृति सुचारु गरेको छ । श्रम, रोजगार तथा सामाजिक सुरक्षा मन्त्रालयले रसियाका लागि गत फागुन ९ गते पुनः श्रम स्वीकृति सुचारु गरेको हो ।
यसैगरी गत फागुन १६ गते संस्थागत संस्थागत श्रम स्वीकृति दिने सरकारले निर्णय गरेको हो । यी निर्णयहरु तत्कालिन सचिव केवल प्रसाद भण्डारीले गरेका हुन् । हाल भण्डारी सचिवबाट राजीनामा दिएर अवकाशमा गइ सकेका छन् ।
तर, यता नवनियुक्त श्रम मन्त्री डीपी अर्यालले यस विषयमा थप छलफल गरिने बताएका छन् । पूर्व मन्त्रीको पालामा भएको निर्णय भएकाले यस विषयमा के गर्ने भन्ने थप अध्ययन र छलफल हुने उनको भनाई छ । उनले बुधबार राष्ट्रिय स्वतन्त्र पार्टी (रास्वपा)ले आयोजना गरेको काठमाडौंको आँखामा कर्णाली विषय कार्यक्रममा बोल्दै यस्तो धारणा राखेका हुन् ।
वैदेशिक रोजगार विभागले भने बिहिबार एक सूचना जारि गरेर पूर्व मन्त्रीको पालमा नै स्वीकृति खुला गएिको जानकारी दिएको छ ।
हेर्नुस् विभागको विज्ञप्ति :