साताको चौथो दिन आज बुधबार सुनको भाउ बढेको छ । हिजो तोलाको ७० हजार २ सयमा कारोबार भएको छापावाला सुन आज तोलामा २ सयले बढेर ७० हजार ४ सय पुगेको छ । तेजावी सुन पनि तोलाको २ सयले महङ्गो हुँदै ७० हजार १ सय रुपैयाँ प्रतितोला पुगेको छ । चाँदीको भाउ आज प्रतितोला ८५० रुपैयाँमा स्थिर छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ६० हजार ३५५, प्रति १० ग्राम तेजावी सुनको मूल्य ६० हजार १ सय र प्रति १० ग्राम चाँदीको मूल्य ७२९ रुपैयाँ कायम गरेको छ ।
