आर्थिक वर्ष २०७६/७७ भरी नेपाल स्टक एक्सचेन्ज नेप्सेमा डेढ खर्ब बढीको कारोबार भएको छ । यस आर्थिक वर्षमा १८३ दिन शेयर किनबेच हुँदा १ खर्ब ५० अर्ब ७ करोड ४२ लाख ४५ हजार ७ सय २६ रुपैयाँको कारोबार भएको हो । जुन औसतमा प्रतिदिन ८२ करोड ७ लाख बराबरको कारोबार हो ।
२०७६ फागुन १८ गते सबैभन्दा धेरै ४ अर्ब ८४ करोड कारोबार भएको थियो भने २०७७ बैशाख ३१ गते सबैभन्दा कम ३६ लाख १३ हजार कारोबार भएको थियो । शेयर कारोबारको इतिहासमा सबैभन्दा धेरै कारोबार भएको यो नै पहिलो पटक हो ।
यस आर्थिक वर्षको पहिलो दिन नेप्से सूचक १२७४.८६ रहेकोमा आर्थिक वर्षको अन्तिम दिन सूचक १३६२.३४ रहेको छ । अर्थात् यस वर्ष नेप्से सूचक ८७.४८ अंकले बढेको छ ।
यस आर्थिक वर्षमा २०७६ फागुन १७ गते नेप्से सूचक सबै भन्दा उच्च बिन्दु १६३२.१७ मा पुगेको थियो भने २०७६ मंसिर १० गते सबै भन्दा कम ११०९.१६ रहेको थियो ।