सहारा विकास बैंकले निष्काशन गर्न लागेको २ सय ५० प्रतिशत हकप्रदको लागि बुक क्लोज मिति तय भएको छ । बैंकले १८ करोड २४ लाख ८७ हजार रुपियाँको १८ लाख २४ हजार ८७ हजार कित्ता हकप्रद निष्काशन गर्न लागेको हो। हकप्रद निष्काशनको लागि एनआईबिएल क्यापिटल मार्केट्स बिक्रि प्रबन्धक रहेको छ ।
बैंकले हकप्रद निष्काशन प्रयोजनार्थ बैशाख १० गते बुक क्लोज गर्ने निर्णय गरेको छ । बैशाख ९ गतेसम्म कायम शेयरधनीले मात्र हकप्रद भर्ना सक्ने छन्।
हाल बैंकको चुक्ता पुँजी ७ करोड २९ लाख रुपैयाँ रहेको छ । २५० प्रतिशत हकप्रद पश्चात बैंकको पुँजी २५ करोड ५४ लाख रुपैयाँ नाघ्ने छ । चालु आर्थिक वर्षको दोस्रो त्रैमासमा बैंकले ५४ लाख ३२ हजार रुपैयाँ खुद नाफा कमाएको छ ।
बैंकको छैठौ साधारणसभाले २५० प्रतिशत हकप्रद प्रस्ताव गरेको थियो । तर बैंकले पछि हकप्रद प्रस्ताव रद्द गर्नको लागि बिशेष साधारसभा बोलाएको थियो । धितोपत्र बोर्डको निर्देशनपछि हकप्रद जारी गर्ने निर्णयलाई पन्छाउदै देब बिकास बैंकको सहारा रोज्न पुगेको सहारा बिकास बैंकलाई रद्द गरिएको हकप्रद फेरी जारी गर्ने बाध्यतामा आइपरेको हो।