नेपाल स्टक एक्चेन्ज नेप्सेमा सुचिकृत कम्पनीहरुको ४ बर्गमा बर्गिकरण हुने भएको छ । नेपाल धितोपत्र बोर्डले “धितोपत्र सूचीकरण तथा कारोबार नियमावली, २०७५” लागु गर्दै यस्तो ब्यबस्था गरेको हो । यो नियमावली आगामी साउन १ गतेदेखि लागु हुने बोर्डले जनाएको छ ।
बोर्डले चुक्ता पूँजी, धितोपत्र सूचीकरणको अवधि, लाभांश वितरण, क्रेडिट रेटिङ्ग संस्थाबाट प्रापत रेटिङ्ग, नियमनकारी निकायले तोकेको ढाँचामा वित्तिय विवरण राखे नराखेको र वार्षिक साधारण सभा समयमा सम्पन्न गरे नगरेको मापदण्डलाई आधार मानी कम्पनीहरुको बर्गिकरण गर्ने व्यवस्था गरेको हो ।
साविकमा सूचिकृत संगठित संस्थालाई ए र वि गरी दुईवटामा सीमित गरिएकोमा अन्तर्राष्ट्रिय अभ्यासलाई समेत दृष्तिगत गरी संगठित संस्थाको चुक्ता पूँजी, प्रतिफल, नियम परिपालना लगायतको स्थितिलाई हेरी ए, वि, जि र जेड गरी चार वर्गमा वर्गिकरण गर्ने व्यवस्था गरिएको बोर्डले जनाएको छ ।
यसबाट सूचीकृत संगठित संस्थाको वर्ग अनुसार लगानीकर्ताले जोखिमको स्तर अनुमान गर्न सक्ने तथा धितोपत्र बजारलेसमेत सोही बमोजिम कारोबारलाई सहजीकरण गर्न सक्ने व्यवस्था समेत नियमावली गरेको छ ।
