नेपाल स्टक एक्सचेन्ज नेप्सेमा सोमबार ३ वटा कम्पनीको शेयर मूल्य समायोजन भएको छ । आज हिमालयन बैंक Himalayan Bank Limited , डिप्रोक्स लघुवित्त Deprosc Laghubitta Bittiya Sanstha Limited र नागबेली लघुवित्त Nagbeli Laghubitta Bikash Bank Limited को शेयर मूल्य समायोजन भएको हो ।
हिमालयन बैंकको १० प्रतिशत बोनसमा शेयर मूल्य समायोजन भएको हो । समायोजनपछि बैंकको शेयर मूल्य ५१३.६४ कायम भएको छ । त्यस्तै डिप्रोक्स लघुवित्तको ३० प्रतिशत बोनसमा शेयर मूल्य समायोजन भएको हो । समायोजनपछि कम्पनीको मूल्य ७९३.८५ कायम भएको छ । त्यस्तै नागबेली लघुवित्तको २६ प्रतिशत बोनसमा मूल्य समायोजन भएको हो । समायोजनपछि कम्पनीको शेयर मूल्य ४६६.६७ कायम भएको छ ।
यी सबै कम्पनीले साधारणसभा र लाभांश वितरण प्रयोजनको लागि आज बुक क्लोज गरेकोले मूल्य समायोजन भएको हो । माघ १२ गतेसम्म शेयरधनीले यी कम्पनीको साधारणसभामा भाग लिन र प्रस्तावित लाभांश पाउन सक्ने छन् ।