बिजपाटी सम्बाददाता     May 13, 2019 | 09:19:09 AM



sunrisebank

चालु आर्थिक बर्षको तेस्रो त्रैमास सम्ममा जनता बैंकले १ अर्ब २ करोड नाफा कमाएको छ ।  बैंकले अघिल्लो आर्थिक बर्षको यसै अवधिसम्ममा ६३ करोड ७५ लाख कमाएकोमा बैंकको खुद नाफा ६०.५६ प्रतिशतले बढेको हो 

त्यस्तै बैंकको वितरण योग्य मुनाफा ६१ करोड ७३ लाख रहेको छ । बैंकले आर्थिक बर्षको अन्त्यसम्ममा यहि अनुपातमा नाफा वृद्धि गर्न सकेको खण्डमा बैंकले १०.२८ प्रतिशत लाभांश वितरण गर्ने सक्ने देखिन्छ । राष्ट्र बैंकले तोकेको व्यवस्था अनुरुपको व्यवस्था पश्चात कायम हुने फ्रि प्रोफिट बैंकले शेयरधनीलाई लाभांश वितरणमा उपयोग गर्न सक्दछ। तर एनएफआरएस अनुसार केहि शिर्षकमा थप रकम व्यवस्था गर्नुपर्ने भएकाले लाभांश क्षमता घट्न सक्छ । यद्दपी अन्तिम त्रैमासमा बैंकको नाफामा थप प्रगति भएको अवस्थामा बैंकको लाभांश क्षमता बढ्न सक्छ । 

यस अवधिसम्ममा बैंकको निक्षेप् २०.७८ प्रतिशतले बढेको छ  । हाल बैंकको चुक्ता पुंजी ८ अर्ब रहेको छ भने रिजर्भमा १ अर्ब ८१ करोड रहेको छ । 

बैंकको खराब कर्जा १.२१ प्रतिशत, प्रति शेयर आम्दानी १७.०६, कोषको लागत ७.६६ प्रतिशत, पुंजी निक्षेप अनुपात ७९.७४ प्रतिशत, बेस रेट १०.५२, स्प्रेड दर ४.६९ प्रतिशत, मूल्य आम्दानी अनुपात १०.७८, नेट वर्थ १२९.७ रहेको छ  । 

Share your thoughts!

बिजपाटी सम्बाददाता

नेपालको आर्थिक अनलाइन पत्रिका









Close in 7