बिजपाटी सम्बाददाता     May 14, 2019 | 11:19:17 AM


शिखर इन्स्योरेन्स कम्पनी Shikhar Insurance Company Limited  ले चालू आर्थिक बर्षको तेस्रो त्रैमाससम्ममा ३३ करोड ६२ लाख खुद मुनाफा आर्जन गरेको छ। जुन गत आर्थिक बर्षको यसअवधिसँगको तुलनामा ८ दशमलब ४३ प्रतिशतले बढी हो। 

यसअवधिमा कम्पनीले करिब डेढ प्रतिशतले बढाएर १ अर्ब २४ करोड खुद बीमा शुल्क आर्जन गरेको छ। जुन गत आर्थिक आर्थिक बर्षको यसअवधिसंगको तुलनामा २ करोडले मात्रै बढी हो। दुई लाख १५ हजार ९०५ बीमालेख जारी गरेको कम्पनीले खुद दाबी भुक्तानी बापत ७४ करोड १० लाख भुक्तानी गरेको छ।  

यस अवधिमा कम्पनीको चुक्तापुंजी १ अर्ब ५ करोड रहेको छ भने जगेडा कोषमा ४१ करोड ९ लाख छ। इन्स्योरेन्समा बीमा कोषमा १ अर्ब १ करोड ९३ लाख संचित छ। त्यस्तै इन्स्योरेन्सको महाविपत्ति कोषमा ५ करोड २९ लाख संचित छ। इन्स्योरेन्सको जगेडा कोष १२५ प्रतिशतले बढेको छ भने बीमा कोष २९ प्रतिशतले बढेको छ। 

यस अवधिमा कम्पनीको प्रति सेयर आम्दानी ४२ रुपैयाँ ४० पैसा छ भने प्रतिसेयर नेटवर्थ २४० रुपैयाँ ३८ पैसा र मुल्य आम्दानीको अनुपात २० दशमलब ८९ गुणा छ। शिखर इन्स्योरेन्सले गत आर्थिक बर्षको कमाईबाट सेयरधनीलाई लाभांश घोषणा गर्न बाँकी छ। 

Share your thoughts!

बिजपाटी सम्बाददाता

नेपालको आर्थिक अनलाइन पत्रिका