विश्वकपमा उपाधि दाबेदारको रुपमा हेरिएको स्पेनलाई प्रतियोगिता सुरु हुनै लाग्दा गम्भीर धक्का लागेको छ। बिश्वकपमा स्पेनले पहिलो खेल शुक्रबार पोर्चुगल संग खेल्ने तालिका थियो । तर त्यस अघि नै स्पेनको फुटबल संघले प्रशिक्षक हुलेंन लोपेतेगुईलाई बर्खास्त गरेको हो ।
स्पेनिस फुटबल संघका अध्यक्ष लुइस रुबेल्सले प्रशिक्षक लोपेतेगुईलाई बर्खास्त गरेका हुन् ।
लोपेतेगुईले १ दिन अगाडी मात्र रियल म्याड्रिडसंग ३ बर्ष प्रशिक्षक रहने गरी सम्झौता गरेका थिए । तर उनले उस अघि नै स्पेनसंग सन् २०२० सम्म रहने गरी सम्झौता गरेका थिए । यसकै कारण उनलाई बर्खास्त गरिएको बुझिएको छ ।
फिफाको महासभामा भाग लिन रुस आएका स्पेनिस फुटबल संघका अध्यक्ष लुइस रुबेल्स महासभा पुरा नहुदै स्पेन फर्केका थिए । उनले स्पेन पुगेर प्रशिक्षकलाई शुभकामना दिदै बर्खास्त गरेका हुन् ।
स्पेन बिश्वकपको समुह बि मा रहेको छ । समुह बि मा स्पेन संगै पोर्चुगल, मोरको र इरान रहेका छन् ।
