भारतले सार्वजनिक गरेको नयाँ नक्सामा नेपाली भूमी पनि परेको भन्दै विरोध चर्किपछि प्रधानमन्त्री केपी शर्मा ओलीले सर्वदलीय बैठक बोलाएका छन् । सीमा विवादको विषयमा छलफल गर्न प्रधानमन्त्रीले शनिबार दिउँसो ४ सर्वदलीय बैठक बोलाएका हुन् ।
दलका शीर्ष नेता र विज्ञलाई समेत प्रधानमन्त्रीले बैठकमा बोलाएका हुन् । सीमा विवादका विषयमा सामूहिक धारणा बनाउने अपेक्षाका साथ प्रधानमन्त्रीले बैठका बोलाएको बुझिएको छ ।
भारतको नक्सामा नेपालको कालापानी, लिपुलेक र लिम्पियाधुरा समेटिएपछि नेपालमा त्यसको चर्को विरोध भइराखेको छ ।
