पुर्व श्रम तथा सामाजिक सुरक्षा मन्त्री गोकर्ण विष्टले आफु मन्त्री रहंदा इमानदारीपूर्वक ज्यामी माहुरीले जस्तै काम गर्ने प्रयास गरेँको बताएका छन् । उनले आफु जति दिन मन्त्री पदमा रहे त्यो समयमा देशिक रोजगारीको नाममा ठगीमा परेका युवाहरु, पसिनाको मूल्य नपाएका श्रमिकहरु र वेरोजगार युवाहरुको पक्षमा इमानदारीपूर्वक ज्यामी माहुरीले जस्तै काम गर्ने प्रयास गरेँको बताएका हुन् ।
मन्त्रीबाट हटाईएपछि सामाजिक संजालमा स्ट्याटस लेख्दै उनले आफु थप उर्जा र प्रेरणाका साथ बाहिरिएको बताएका छन् । साथै उनले मन्त्रीको रुपमा काम गर्ने अवसर प्रदान गर्ने प्रधानमन्त्रीप्रति कृतज्ञता व्यक्त गरेका छन् । उनले सुधार अभियानमा साथ दिने सहयोगी, शुभचिन्तकप्रति धन्यवाद व्यक्त गरेका छन् ।
प्रधानमन्त्री केपी शर्मा ओलीले बुधबार विष्ट सहित ८ मन्त्रीलाई बर्खास्त गर्दै ९ जना नियुक्त गरेका हुन्। जसमा श्रम मन्त्रालयको जिम्मेवारी रामेश्वर राय यादवले पाएका छन् ।
