गोकर्ण विष्टले भने, ‘जनपक्षीय काम गर्दा जोखिम हुन्छ भन्ने थाहा थियो’

निवर्तमान श्रम, रोजगार तथा सामाजिक सुरक्षामन्त्री गोकर्ण विष्टले नयाँ काम गर्दा जोखिम हुन्छ भन्ने जानेरै जनताको पक्षमा काम गर्न प्रयत्न गरेको बताएका छन् । मन्त्री बनेर पद बहाली गर्दा नै जनताको पक्षमा काम गर्ने प्रण गरेको र त्यसो गर्दा जोखिम हुन्छ भन्ने आफूले अनुमान गरेको उनको भनाई छ । मन्त्रालयबाट बिदाई हुँदै उनले मन्त्रीको रुपमा बसेर काम गर्दा जनताको पक्षमा वकालत गरेको कारण आफूमाथि जोखिम छ भन्ने पहिल्यै थाहा भएको बताएका छन् । 

‘जनतालाई केन्द्रमा राखेर अनेकौ विकृतिहरु सुधार गर्नु जोखिमपूर्ण हुन्छ भन्ने मैले अनुमान गरेकै थिएँ, मेरो अनुमान अब अनुभव भयो’ उनले भने । मानव जीवन नै अस्थायी हुने भन्दै उनले पद कहिल्यै स्थायी नहुने बताए । ‘जीवन नै अस्थायी छ, पद स्थायी हुने कुरै भएन’ उनले भने, ‘मन्त्री भएर आउँदा नै म अस्थायी पाहुँना हुँ भनेर आएको थिएँ ।’