अर्घाखाचीका ६ जना युवाहरुले सामुहिक लगानी गरी कृषि ब्यवसाय सुरु गरेका छन । उनीहरुले १ करोड भन्दा बढी लगानी गरी अर्घाखाची र कपिलवस्तुमा पोल्ट्री फर्म सञ्चालनमा ल्याएका हुन । उनीहरुले अर्घाखाचीमा उत्पादन हुने कुखुराका अण्डाहरुलाई बुटवलमा ल्याइ विक्रि गर्न बुटवलको तीनकुनेमा विक्रि केन्द्र समेत सञ्चालनमा ल्याएका छन ।
अर्घाखाचीको पाणिनी गाउपालिकाका युवाहरु पदम घिमिरे, गिरिराज घिमिरे, भेषराज घिमिरे, कृष्णप्रसाद गैरे, भोजराज घिमिरे क्षेत्री र बावुराम पौडेलको समूहले उक्त ब्यवसाय सुरु गरेका हुन । हाल १० हजार कुखुरा पालन गरेका उनीहरुले ८ जनालाई रोजगारी समेत दिएको सञ्चालक पदम घिमिरेले जानकारी दिए ।
ब्यवसाय ट दैनिक ८ हजार अण्डा उत्पादन हुने गरेको उनी बताउछन । उत्पादन लागतका तुलनामा अण्डा सस्तोमा बेच्नुपरेको घिमिरेको गुनासो छ । कृषिमा आवद्ध भएका हरुलाई सरकारले सहुलियत दिनुपर्ने उनको भनाई छ ।