भारतको सिफारिसमा २१ मे अन्तराष्ट्रिय चिया दिवस घोषणा भएको छ । भारतले चार वर्षअघि अन्तराष्ट्रिय खाद्य र कृषि संगठन (एफएओ)को अन्तर सरकारी समुहको बैठकमा मे २१ लाई अन्तराष्ट्रिय चिया दिवस घोषणा गर्न प्रस्ताव गरेको थियो । उक्त प्रस्ताव संयुक्त राष्ट्र महासभाले पारित गरेपछि मे २१ अन्तरािष्ट्रय चिया दिवस घोषित भएको हो ।
हाल हरेक १५ डिसेम्बरमा विभिन्न देशले चिया दिवस मनाउँदै आएका छन् । अब संयुक्त राष्ट्रसंघले आफ्ना सदस्य राष्ट्रलाई मे २१ मा चिया दिवस मनाउन आग्रह समेत गरेको छ ।