बाग्मती नदीमा प्रशोधित पानी बग्न थालेको छ । गोकर्णदेखि गुहेश्वरीसम्म बाग्मती नदीमा मिसाइएको ढललाई मंगलबारबाट प्रशोधन केन्द्रमा प्रशोधनपछि मात्रै नदीमा खसाल्न थालिएको हो ।
बाग्मती सभ्यता विकास एकीकृत विकास समितिका कार्यकारी निर्देशक लिलाप्रसाद ढकालका अनुसार शिवरात्रीमा पशुपतिमा स्नान गर्ने भक्तजनले सफा पानीमा नुहाउन पाउने बताउँछन् । समितिले गुहेश्वरीमा फोहोर पानी प्रशोधन केन्द्र बनाएको छ ।
गुहेश्वरीमा २ अर्ब ५५ करोड लागतमा देनिक २५ लाख लिटर पानी प्रशोधन गर्न सक्ने क्षमताको प्रशोधन प्लान्ट बनाईएको छ ।
सल्लाघारी, कोड्कु, धोबीघाट, गोकर्ण र चल्नाखेलमा पनि ढल प्रशोधन केन्द्र बनिरहेको छ । ढललाई प्रशोधन केन्द्रसम्म लैजाँदा ग्यास समेत निस्कनेछ । त्यो ग्यास प्रयोग गरेर बिजुली निकाल्ने योजना पनि छ । गुह्येश्वरीबाट मात्रै २४० किलोवाट बिजुली निकाल्ने तयारी छ ।
