आज आइतबार दिउँसो मन्त्रिपरिषद्को बैठक बस्ने भएको छ । दिउँसो २ बजेको लागि बैठक बोलाईएको प्रधानमन्त्री कार्यालयले जनाएको छ ।
बैठकले लकडाउन थप बारे निर्णय गर्ने बताईएको छ । उपप्रधान तथा रक्षामन्त्री इश्वर पोखरेल नेतृत्वको उच्चस्तरीय समन्वय समितिले एक हप्ता लकडाउन अवधि लम्ब्याउन सिफारिस गरेको छ । समितिको शनिवार बसेको बैठकले एक हप्ता लकडाउन लम्ब्याउन सिफारिस गरेको हो । मन्त्रिपरिषद्ले अब हुने लकडाउन फरक मोडालिटीमा गर्ने बारे पनि निर्णय गर्न सक्ने जनाईएको छ ।
सरकारले अन्तिम पटक थपेको लकडाउनको अवधि बैशाख १५ गते सोमबार सकिँदैछ ।