नेपालमा कोरोना भाइरसको संक्रमणबाट मृत्यु हुनेको संख्या ६ पुगेको छ । भारतबाट नेपाल फर्कने क्रममा मृत्यु भएका अर्घाखाँचीका युवामा कोरोना पोजेटिभ देखिएसंगै मृतकको संख्या ६ पुगेको स्वास्थ्य तथा जनसंख्या मन्त्रालयले जनाएको हो।
भारतको गुजरातबाट नेपाल फर्कदै गर्दा ३५ वर्षीयति युवाको बाटोमै मृत्यु भएको थियो । भारतबाट नेपाल आउने क्रममा जेठ १० गते लखनउ नजिक आइपुग्दा बसमै उनको मृत्यु भएको थियो । उनलाई छाती दुख्ने र बान्ता हुने भएको जनाइएको छ ।
भारतबाट आएको र अचानक स्वास्थ्यमा समस्या आएपछि मृत्यु भएका उनको प्रदेश जनस्वास्थ्य प्रयोगशाला भैरहवामा स्वाव परीक्षण गरिएकोमा कोरोना पोजिटिभ देखिएको मन्त्रालयले जनाएको छ। उनको शवलाई एम्बुलेन्समार्फत नेपाल ल्याइएको र शवसंगै आएका दुइजनाको भने पीसीआर रिपोर्ट नेगेटिभ आएको जनाइएको छ ।
उनको शव अन्त्योष्टि गरिसकेको जनाइएको छ ।
