एसियाली विकास बैंक (एडिबी)ले नेपाललाई ३० अर्ब ऋण सहयोग गरेको छ । नेपाल सरकार र बैंकबीच सोमबार ऋण सम्झौतामा हस्ताक्षर भएको हो ।
सम्झौतामा नेपालको तर्फबाट अर्थ मन्त्रालयका सचिव शिशिरकुमार ढुंगाना र बैंकको तर्फबाट देशीय प्रबन्धक मुख्तोर खामुदखानोभले हस्ताक्षर गरेका हुन् । यो ऋण बजेटरी सहयोग अन्तर्गतको हो।
कोभिड-१९ एक्टिभ रेस्पोन्स एन्ड एक्सपेन्डिचर सपोर्ट कार्यक्रममा खर्च गर्ने गरी सम्झौतामा भएको हो। यो रकम नेपालको स्वास्थ्य सेवा सुधार, सामाजिक सुरक्षा र रोजगारी सिर्जनामा खर्च हुने छ।
