बिजपाटी सम्बाददाता     Jun 02, 2020 | 05:18:08 PM


नेपालमा कोरोना संक्रमितको संख्या २ हजार नाघेको छ । आज मंगलबार (पछिल्लो २४ घण्टा)मा थप २८८ जनामा कोरोना पुष्टि भएर संक्रमितको संख्या २०९९ पुगेको हो । 

नेपालमा जेठ १५ गते कोरोना संक्रमितको संख्या १ हजार नाघेको थियो । त्यस दिन कुल संक्रमितको संख्या १०४२ पुगेको थियो । त्यसको ५ दिन मै संक्रमितको संख्या दोब्बर भन्दा बढी भएको छ ।  एक साताको अवधिमा १३ सय बढी संक्रमित भएका हुन् ।

आज काठमाडौँ मेडिकल कलेजका ४ जना स्वास्थ्यकर्मीमा पनि कोरोना पुष्टि भएको स्वास्थ्य मन्त्रालयले जनाएको छ । हालसम्म ६१ जिल्लामा संक्रमण पुगेको छ भने ८ कोरोना संक्रमितको मृत्यु भएको छ  । 

Share your thoughts!

बिजपाटी सम्बाददाता

नेपालको आर्थिक अनलाइन पत्रिका