कोरानाका कारण रोकिएको श्रम स्वीकृति पुनः आजदेखि खुल्ला भएको छ । फागुन अन्तिमदेखि रोकिएको श्रम स्वीकृति आजदेखि खुल्ला गरिएको वैदेशिक रोजगार विभागले जानकारी दिएको छ ।
विभागका अनुसार भिसाको र करारको म्याद भएकालाई ताहाचल कार्यालयबाट आजैदेखि पुनः श्रम स्वीकृति दिन थालिएको छ ।
कोभिड–१९ संकट व्यवस्थापन केन्द्र (सीसीएमसी) को असार ७ मा बसेको बैठकले श्रम, रोजगार तथा सामाजिक सुरक्षा मन्त्रालयलाई वैदेशिक रोजगारीमा जाने कामदारहरुका लागि श्रम स्वकिृति दिन सक्ने निर्णय गरेको थियो । सोहि निर्णयसंगै श्रम स्वीकृतिको बाटो खुलेको हो ।