कोरोना संक्रमितको शव व्यवस्थापनको क्रममा स्थानीयवासीले अवरोध गरेका छन् । कोरोना संक्रमणका कारण शनिबार मृत्यु भएका गोरखा पालुङटारका ४४ वर्षीय पुरुषको सव व्यवस्थापनमा स्थानीयवासी अवरोध गरेका हुन् ।
अवरोधका क्रममा प्रहरी र स्थानीयवासीबीच झडप भएको र प्रहरीले केही राउण्ड अश्रुग्यास प्रहार गरेको जनाइएको छ । पालुङटार नगरपालिका ७ का ४४ वर्षीय पुरुषको शव गोरखा नगरपालिका १२ र शहीद लखन गाउँपालिका १ को सीमा क्षेत्र लुदी दोभानमा व्यवस्थापन गर्ने निर्णय जिल्ला सुरक्षा समितिले गरेको थियो ।
