शुक्रबार थप ४ हजार ३९२ जनामा कोरोना पुष्टि भएको छ । यससंगै देशभर कुल संक्रमित हुनेको संख्या १ लाख २६ हजार १३७ पुगेको छ ।
पछिल्लो समयमा देशभर संक्रमितको संख्या बढ्दै गएको छ । यसअघि हिजै मात्र देशभर ३ हजार ७४९ जनामा कोरोना पुष्टि भएको थियो ।
मन्त्रालयका अनुसार हालसम्म ८८ हजार ४० जना निको भएर घर फर्किसकेका छन् । विगत २४ घण्टामा मात्रै ३५ सय २२ जना कोरोना जितेर घर फर्किएका छन् । हाल ३७ हजार ३८२ जना उपचाररत छन् ।
यस्तै पछिल्लो २४ घण्टामा कोरोनाका कारण थप २१ जनाको मृत्यु भएको छ । यससँगै मृतकको संख्या ७ सय १५ पुगेको छ ।
