सरकारले किसानलाई पेन्सन उपलब्ध गराउने भएको छ । आगामी आर्थिक वर्ष २०७९/०८० को बजेट प्रस्तुत गर्दै अर्थमन्त्री जनार्दन शर्माले किसानलाई योगदानमा आधारित पेन्सनको सुरुवात गरिने बताएका हुन् ।
किसानले मासिक रुपमा गर्ने योगदानमा सरकारले १० प्रतिशत रकम जम्मा गरिदिने अर्थमन्त्री शर्माको भनाई छ ।
यसका लागि कोष बनाउने र कोषका लागि सुरुमा बिउ पूँजीका रुपमा १ अर्ब बजेट विनियोजन गरिएको अर्थमन्त्री शर्माले बताए ।
