सरकारले खाना पकाउने ग्यासमा दिँदै आएको अनुदान कटौती गर्दै लैजाने नीति लिएको छ ।
आगामी आर्थिक वर्षको बजेट प्रस्तुत गर्दै अर्थमन्त्री जनार्दन शर्माले खाना पकाउने ग्याँसमा दिँदै आएको अनुदान हटाउँदै लैजाने घोषणा गर्दै विद्युतीय चुल्होको प्रयोगलाई प्रोत्साहन गर्ने बताएका हुन् ।
उनले आगामी आर्थिक वर्षको पहिलो महिना (साउन) भित्रै सिंहदरबार परिसरबाट ग्यास सिलिण्डिर हटाईने घोषणा गरेका छन् ।
३ महिनाभित्र महानगरपालिका भित्रका सार्वजनिक कार्यालयहरुका खाजा घर तथा उच्च अधिकारीहरुको निवासबाट ग्यास सिलिण्डर विस्थापित गर्दै विद्युतीय चुल्होको जडान गरिने अर्थमन्त्रीको घोषणा छ ।
