चालु आर्थिक वर्ष २०८०/०८१ को पहिलो ४ महिना (साउन देखि कार्तिकसम्म)मा लघु जीवन बीमा कम्पनीहरुले करिब ५० लाख रुपैयाँ बीमाशुल्क संकलन गरेका छन् । यो ४ महिनामा लघु जीवन बीमा व्यवसाय गर्ने ३ वटा कम्पनीले ४८ लाख ७८ हजार रुपैयाँ कुल बीमाशुल्क संकलन गरेका हुन् ।
जसमध्ये २७ लाख ७० हजार गार्डियन माईक्रो लाईफले र २० लाख ३६ हजार रुपैयाँ बीमाशुल्क क्रेष्ट माईक्रो लाईफले संकलन गरेको बीमा प्राधिकरणले जनाएको छ । त्यसैगरी लिवर्टी माईक्रो लाईफले ७२ हजार रुपैयाँ बीमाशुल्क संकलन गरेको छ । यो कम्पनीले कार्तिक महिनादेखि कारोबार सुरु गरेको हो ।
प्राधिकरणका अनुसार यी ३ कम्पनीको ५ हजार १७८ वटा बीमा पोलिसी कार्तिक मसान्तसम्म सक्रिय रहेको छ । जसमध्ये २ हजार ८८० वटा पोलिसी गार्डियनको सक्रिय रहेको छ भने क्रेष्टको २ हजार २३५ वटा पोलिसी सक्रिय रहेको छ । त्यसैगरी लिवर्टीको ६३ वटा पोलिसी सक्रिय रहेको छ ।
