नेपाल बीमा प्राधिकरणले बीमक बीमांकी(एक्चुरी) नियुक्ति सम्बन्धि मार्गदर्शनको मस्यौदा तयार पारेको छ । प्राधिकरणले बिहिबार मस्यौदा सार्वजनिक गर्दै राय, सुझाव र सल्लाह दिन अनुरोध गरेको छ ।
उक्त एक्चुरी नियुक्ति सम्बन्धी मार्गदर्शन, २०८० को मस्यौदा प्राधिकरणले वेवसाईटमा सार्वजनिक गरेको छ । प्राधिकरणले माघ २१ गतेसम्म राय सुझाव दिन आग्रह गरेको छ।
नेपालमा एक्चुरी पढाई नहुँदा बीमा क्षेत्रमा ठुलो यसको अभाव ठुलो छ । पछिल्लो समय त्रिभुवन विश्वविद्यालयमा यस सम्बन्धी पढाई सुरु भएको भएतापनि त्यसलाई बीमा प्राधिकरणले मान्यता दिएको छैन । प्राधिकरणले एक्चुरी एक प्रोफेशनल कोर्स भएकाले टियूमा पढेकै आधारमा एक्चुरी मान्न नसकिन्ने जनाउँदै आएको छ ।
नेपालको बीमा क्षेत्रमा भारत तथा अन्य मुलुकबाट बीमांकीय मूल्याङन गराइन्छ । जसले गर्दा वार्षिक प्रतिवेदश समयमा तयार नहुने स्वयम प्राधिकरणले उल्लेख गरेको छ । यस्तो भएतापनि नेपालकै केहि बीमा कम्पनीहरुले भने समयमा नै बीमांकीय मूल्याङन गरेको रेकर्ड पनि छ ।